வல்வெட்டித்துறை நகராட்சி மன்றத்தின் இந்தக் கட்டட வரலாறு என்பது ஒரு நீண்ட காலப்பகுதியை உள்ளடக்கியது.இது கடந்த 28 வருடங்களைக் கொண்ட நான்கு கட்டங்களைக் கடந்த நிலையில் இன்றைய இந்த நவீன கட்டடம் திறந்துவைக்கப்படவுள்ளது.

வல்வெட்டித்துறை நகராட்சி மன்றத்திற்காக சொந்த நிலம் இல்லாத போது முன்னாள் நகர பிதாவாக இருந்த அமரர் திரு.ச.ஞானமூர்த்தி அவர்களின் இடைவிடாத முயற்சியினால் இதற்கான நிலம் பழைய ஒரு வீட்டுடன் சேர்த்துக் கொள்வனவு செய்யப்பட்டது.இதனைக் கொள்வனவு செய்வதற்காக அந்த நேரம் அவர் எடுத்த முயற்சிகள் அளப்பரியன.அவ்வாறு இருந்தபோதும் அவரது முயற்சிகள் எதிர்கால சபைக்கு கடன் சுமையை ஏற்படு;த்தவில்லை என்பதும் சுட்டிக் காட்டப்படவேண்டும்.சில காலம் வரை இதில் இருந்த பழைய வீட்டிலேயே நகராட்சி மன்றத்தின் அலுவலகம் இயங்கியது. அதற்குப் பின்னரே வல்வெட்டித்துறைக்கென நவீனமான ஒரு பணிமனை உருவாக்கப்பட வேண்டும் என்ற சிந்தனை வல்வெட்டித்துறை மக்களின் மனதில் தோன்றியது.ஆனால் சிறந்த கல்விமானாகவும், சமூக சேவையாளராகவும் விளங்கிய முன்னாள் நகர பிதா திரு.ச.ஞானமூர்த்தி அவர்களின் மறைவின் பின்னர் அதனை முன்னெடுப்பதற்கான ஒரு சிறந்த தலைமைத்துவம் இல்லாத நிலையில் வல்வெட்டித்தறையின் அபிவிருத்தியிலும் ஒரு தேக்கம் காணப்பட்டது.

வல்வெட்டித்துறை நகராட்சி மன்றத்திற்காக அமைக்கப்பட்டுள்ள புதிய அலுவலகக் கட்டிடம் எதிர்வரும் முதலாம் திகதி பிற்பகல் 12.31 க்கும் 13.10. க்கும் இடைப்பட்ட சுப வேளையில் திறந்து வைக்கப்படவுள்ளது. வல்வெட்டித்துறை நகர பிதா நடராஜா அனந்தராஜ் அவர்களின் தலைமையில் நடைபெறும் இந்நிகழ்வின் பிரதம விருந்தினராக பாரம்பரிய கைத்தொழில் மற்றும் சிறுதொழில் முயற்சி அபிவிருத்தி அமைச்சர் கௌரவ.கே.என்.டக்ளஸ் தேவானந்தா அவர்களும்,கௌரவ ஆளுநர் ஜி.ஏ.சநதிரசிறி அவர்களும் கலந்து கொள்ள உள்ளனர்.

தொண்டைமானாறு வெளிக்கள நிலையம் அண்மையில் திறந்து வைக்கப் பட்டதைத் தொடர்ந்து யாழ் மாவட்ட ஆசிரியர்களுக்கும் க.பொ.த. உயர் தரத்தில் விஞ்ஞானப் பிரிவில் கல்வி கற்கும் மாணவர்களுக்குமான பறவைகளின் வகைகளையும் அவற்றின் நடத்தைகள் மற்றும் உருவ அமைப்புக்கள் பற்றி அறிந்து தொள்ளும் வகையிலான களப் பயணம் தொண்டைமானாறு வெளிக்கள நிலையத்துடன் அமைந்துள்ள ஆற்றங் கரையில் இடம்பெற்றபொழுதும்,அவை தொடர்பான விரிவுரைகளில் எடுக்கப்பட்ட படங்களையும்  காணலாம்.

மாணவர்களின் ஆராய்வு ஊக்கத்தை  வளர்த்து, அவர்களிடையே விஞ்ஞான பாடத்திலான ஆர்வத்தை வளர்ப்பதற்கான அய்வு நிலையமாகச் செயற்பட்டு வந்த  தொண்டைமானாறு வெளிக்கள நிலையம் மீண்டும் தொண்டைமானாறு ஆலயச் சூழலில் ஆஙற்றங்கரையோரமாக புதிய வடிவமைப்பில் கட்டப்பட்டுள்ளது.இதன் திறப்பு விழா நிகழ்ச்சிகள் எதிர் வரும் 1 ஆம் திகதி வெள்ளிக்கிழமை காலை 9.00 மணிமுதல் 10.05 வரை உள்ள சுப வேளையில் திறந்து வைக்கப்படவுள்ளது. இந் நிகழிவின் முதன்மை அதிதிகளாக கௌரவ ஆளுநர் ஜி.ஏ.சந்திரசிறி அவர்களும், பாரம்பரியசிறு கைத்தொழில் அமைச்சர் கௌரவ கே.என். டக்ளஸ் தேவானந்தா அவர்களும் கலந்து கொள்ளவுள்ளனர்.